Wichteg Info!
Mir bieden iech, eis fir all Visite ze kontaktéieren an ee Rendez-vous ze huelen. Dëst aus Sécherheetsgrënn. Mir soen iech elo scho villmools merci fir äert Versteesdemech.
Äeren pädagogeschen Bauerenhaff
Aktivitéiten fir Gruppen
Mir bidde Gruppe vun allen Alter d'Méiglechkeet, Natur an d'Landwirtschaft mat alle Sënner ze erliewen. Ob Schoulklassen, Crèchen, Maison-Relaisen, Senioregruppen, Gruppe mat beanträchtegte Persounen, asw. Ob Ufro, kucke mir zesumme wat mir iech bei ärer Visite kenne vu Programm ubidden. Fir weider Informatioune kennt dir iech gäre bei eis mellen.
Visiten um Haff
Eng guidéiert Visite um Haff ass natierlech och méiglech, wou mir iech duerch d'Ställ an d'Hale feieren. Hei gesitt dier wei eng Maschinnen de Bauer huet, wei bei eis d'Kéi gefiddert ginn a wou se schlofen. Fir weider Informatioune kennt dir iech gäre bei eis mellen.
Kannergebuertsdeeg
Gebuertsdag mol anescht - Dier wëllt ärem Kand e flotte Gebuertsdag organiséieren, da bidde mir iech un, d'Party bei eis um Bauerenhaff ze maachen. Jee no Alter, Joreszäit an Unzuel vu Kanner plange mir d'Aktivitéite fir d'Party vun ärem Kand. Fir weider Informatioune kennt dir iech gäre bei eis mellen.
Organiséiert Aktivitéiten fir Kanner
Reegelméisseg ginn Aktivitéiten iwwer Facebook an Instagram publizéiert, wou dier är Kanner kennt umellen. Do steet da genau drop wat mir an der gewëssener Zeit maachen a wat d'Kanner brauchen. Des Aktivitéite sinn ouni d'Elteren. Fir weider Informatioune kennt dir iech gäre bei eis mellen.
Präisser
Dir kennt iech ganz gären bei eis mellen, well Präisser jee no Aktivitéit variéieren.